【星戰秘聞錄】黑武士都無份去《原力覺醒》首映禮？ ——淺談盧卡斯同David Prowse嘅恩怨情仇！

提起黑武士(Darth Vader)，相信大家會想起James Earl Jones嗰把深沉嘅聲線，或前傳三部曲裡Anakin Skywalker嘅扮演者：海登克裡斯滕森(Hayden Christensen)。但其實喺黑色面具背後，仲有一位「無名英雄」David Prowse，佢就係正傳三部曲飾演黑武士。不過我今日見到一篇報導，電影公司竟然無邀請Prowse去《星戰7》首映。但好多影迷都知，Prowse本身好憎《星戰》系列同佐治盧卡斯，佢一直覺得自己不被尊重，點解會搞成咁呢？小弟先講則小歷史。

盧卡斯係英國Hammer恐怖B片嘅粉絲，除咗搵嚟經常喺Hammer電影中，扮演Van Helsing和Frankenstein嘅彼得古城(Peter Cushing)，飾演策動Death Star計劃嘅Grand Moff Tarkin，仲搵咗另一位Hammer演員—有6呎6吋高嘅David Prowse披上黑色戰甲，扮演黑武士（無獨有偶，盧卡斯後來亦搵Hammer電影嘅「御用吸血鬼」基斯杜化李，擔演前傳三部曲中嘅歹角: Dooku伯爵）。

Prowse喺《Frankenstein and the Monster from Hell》演過孔武有力嘅殺人怪物，根據呢部B片嘅情節，怪物正正由彼得古城扮演嘅Frankenstein創造出嚟。而兩人喺《星戰》中扮演帝國軍兩大頭號人物，一個負責獻謀，一個負責動武，情況就好似Frankenstein同怪物嘅關係，呢一個In-jokes真係要Hammer粉先get得到。

盧卡治認為Prowse身形夠高大，穿起黑色戰袍，散發一種無形嘅壓迫感，但就略嫌佢把聲有點幼嫩，結果搵嚟James Earl Jones配音。結果，人人只記得James Earl Jones，Prowse嘅對白被大幅修動，例如，喺《帝國反擊戰》原來嘅對白「係Obi Wan殺死你老豆！」，經過後配，竟改為意思極大轉變嘅「我係你老豆！」(另一說法係盧卡斯怕劇情洩漏，所以故意隱瞞真相)，Prowse亦毫不知情。

加上喺《武士復仇》，盧卡斯竟搵另一位演員Sebastian Shaw飾演除下頭盔嘅黑武士，搞到Prowse好似消失係空氣之中，難免會覺得自己嘅功勞被人偷去，認為盧卡斯沒有好好尊重過佢，自己只係獻上肉體，就好似任人魚肉嘅玩具，地位跟一般替身無別。

新一集《原力覺醒》搵返正傳三部曲嘅大部份主要演員，唯獨就係無Prowse份，你可以話黑武士係續篇三部曲退下火線，但連首映禮同宣傳活動都無份，就未免有啲不重視人喇，雖然Prowse就表面上話毫不在乎，但嗰份醋意你懂的。

附送原聲Prowse黑武士片段：

撰文：方川明 (Star Trek迷)

21-12-2015

(原文刊於PeepingTom影訊網 : https://www.facebook.com/pt852)

《愛的成人式》: 當負責宣傳的人比導演更會玩弄麥格芬

剛看了《愛的成人式》，在此不穿橋了。絕非吹噓，小弟看的時候已略略猜中結局，但想不到所謂的「五分鐘真相」比我的想像來得簡單。

至於電影的內涵嘛，就是一部日式葉念琛愛情電影。《愛》以哥倫布發現新大陸的心態，強調愛情原來有陰暗面，但其實都是人盡皆知的常識。但相比之下，還是葉導演的作品較難看，起碼《愛》的敘事方法設計巧妙，相信(有部分)觀眾會甘心被導演捉弄。

只想說一句，現在搞電影宣傳的人很會玩弄「麥格芬」(也許是導演的想法)。什麼是麥格芬？這是懸疑大師希治閣發明的術語，它是一種子虛烏有的東西，可以是《觸目驚心》的「金錢」，或是《危險人物》的「盒子」，總之能引起戲中人物追溯，甚至觀眾追看下去的慾望。《愛》的海報印上「五分鐘真相」等幾個紅色大字，相當醒目，連男女主角的俏面也被它摭蓋(還我前田敦子… )。可想而知，這個「預先表明的真相」才是重點，觀眾為了親自揭開底牌而入場，結果就像魚兒見到魚餌，卻甘願上釣。換言之，「五分鐘真相」是置於電影外部的麥格芬。

無獨有偶，《星球大戰：原力覺醒》也有同樣的宣傳技倆，盧克天行者也是一個麥格芬，皆因這位正傳三部曲的主人翁缺席一切的相關宣傳(預告片、海報)，引致眾說紛紜，令人很想知道這位角色到底發生什麼事…. 但我相信真相揭曉的時候，影迷會相當失望(燈神mode)。

總之，現在的宣傳策略真的很會玩弄人心。

撰文：方川明
13-12-2015

(原文刊於PeepingTom影訊網 : https://www.facebook.com/pt852)